Xornada Formativa sobre Pegada de Carbono: unha oportunidade para empresas e profesionais comprometidos co Ambiente e a Sostibilidade.
Data: 1 de outubro de 2025.
Lugar: Nordés Clube Empresarial, na rúa Enrique Mariñas 32, 4º, 15009 A Coruña.
Público destinatario:
- Técnicos e responsables de áreas ambientais en organizacións públicas ou privadas, en especial as vencelladas aos sectores agrario, gandeiro e agroalimentario.
- Enxeñeiros e arquitectos que desexen ampliar os seus coñecementos sobre o ciclo de vida do carbono e as estratexias de mitigación e compensación.
- Outros profesionais implicados coa sostibilidade e a transición ecolóxica.
- Estudantes que busquen formación práctica sobre o ciclo de vida do carbono e actividades de mitigación e compensación.
A transición cara a modelos produtivos máis sostibles é unha realidade que demanda ferramentas e coñecementos prácticos. Con este obxectivo, o vindeiro 1 de outubro de 2025 celebrarase na sede do Nordés Clube Empresarial, na Coruña, unha xornada formativa gratuíta centrada na pegada de carbono. O acto está dirixido, especialmente, a empresas dos sectores agrario, gandeiro, forestal, así como á industria agroalimentaria e a profesionais de diversas áreas vencellados á sostibilidade ambiental.
Esta formación está pensada como unha experiencia eminentemente práctica e participativa, na que se traballará con metodoloxías reais e exemplos representativos para mellorar a precisión na medición da pegada de carbono. Ademais, abordarase a correcta definición do alcance, o manexo de datos clave e a aplicación de ferramentas recoñecidas no sector.
Durante o mes de outubro / novembro completarase cun webinar práctico sobre o cálculo da pegada de carbono tanto a nivel de organización como de produto. Este webinar anunciarase con suficiente antelación.
O número de prazas é limitado. As solicitudes atenderánse por rigorosa orde de inscrición, INSCRÍBETE neste FORMULARIO DE INSCRICIÓN e envíao áo seguinte enderezo de correo electrónico fia@coiag.es
Esta é unha oportunidade única para adquirir habilidades aplicables e reforzar o compromiso ambiental das organizacións. A pegada de carbono é un indicador clave na sostibilidade, e saber medila correctamente permite tomar decisións estratéxicas con impacto real.
PROGRAMA / CARTEL
SESIÓN I: CONCEPTOS TEÓRICOS.
9:00–10:30: Conceptos básicos de análises de ciclo de vida de carbono. Indicadores de sostibilidade e transición ecolóxica. Ferramentas e metodoloxías para o cálculo da pegada de carbono. Relator: Eugenio Fernández Carrasco, profesor titular da USC – Departamento de Enxeñería Química, Facultade de Ciencias de Lugo.
10:30-11:30: Compensacións de emisións de gases de efecto invernadoiro. Inventario de Gases de Efecto Invernadoiro segundo o IPCC. Tipoloxías de proxectos de captura de carbono. Relator: Joel Rodríguez Ruiz, investigador post-doutoral do grupo de investigación PROEPLA da Universidade de Santiago de Compostela.
11:30-12:00: Pausa – Café
12:00-14:00: Información de partida. Unidade funcional e límites do sistema. Inventario. Declaración ambiental de produto. Relatora: Carmen Fernández Gasalla, directora de INGAF.
SESIÓN II: WEBINAR. (Data pendente de determinar)
- Cálculo de pegada de carbono de organización (0,50 h)
- Cálculo de pegada de carbono de produto (1,50 h)
- Resolución de dúbidas (0,50 h)
Esta actividade conta cunha subvención da Deputación da Coruña, e co apoio do Colexio Oficial de Enxeñeiros Agrónomos de Galicia e do Consello Galego de Enxeñerías de Galicia.
Para máis información non dubide en poñerse en contacto coa Fundación Enxeñería Agronómica para o Desenvolvemento de Galicia, no 981 288 858 ou no correo electrónico fia@fiagalicia.com
